شعر د/ يسري العزب
لمي دموعك جوي عيني
أشرب منها شوية شوية
أحضن عمرك شوق حنية
حب أكيد بيزيد 00000
يحلي ويغلي ونعلا ونفرح
أفرح بيك وتفرحي بيَّ
نطلع فوق السما نتمرجح
نركب جوه الغيم نتقسم
نسبح, نربح , نطرح خوفنا
يكبر شوقنا في قلبي إليه
يبقي هوانا , ضوء في سمانا
ويتوزع علي دنيانا
تبقي دموعنا , زيت لشموعنا
ونولعها , وتولعنا
لأجل يزهزه زهر ربيعنا
ونعيش جنه ونحلم بيها
جوه قلبنا هنخبيها
جذوة حب الله يحميها
ويخليها , ويخلينا نفوق ونفكر 00
كل ما نزرع نحصد أكتر كل ما نتعب نفرح أكتر
يا لله يا حلوة نفرح أكتر
أكتر وأكتر وأكتر وأكـ000000000000
ليست هناك تعليقات:
إرسال تعليق